மரண அறிவிப்பு

அமைதி பெற்ற ஆன்மாவே ! நீ உன் இரட்சகனிடம் திருப்தியடைந்த நிலையிலும்,திருப்தி கொள்ளப்பட்டதாகவும் செல்வாயாக !
எனது அடியார்களுடன் இணைந்து கொள்.எனது சுவர்க்கத்தில் நுழைந்து கொள் ( என அந்நாளில் கூறப்படும்)
( அல்குர் ஆன் :89:27-30)

மதுக்கூர் இடையகாடு பாய்க்கடை A.M.பாரூக்,A.சதக்கத்துல்லா ஆகியோரின் சகோதரரும்,முகம்மது அலி,ஜாகீர் உசேன்,ஜியாவுல் ஹக்,அப்துல் ஹாதி ஆகியோரின் தகப்பனாருமான A.அமானுல்லா அவர்கள் இன்று 20/10/2013 வஃபாத்தாகிவிட்டார்கள்.


இன்னா லில்லாஹி வ இன்னா இலைஹி ராஜிவூன்

அன்னாரின் மறுமை வாழ்வு சிறக்க துவா செய்வோம்.

கருப்பூரார்.கே.எஸ்.உதுமான் அவர்கள் இல்லத்திருமணம்

மணமகன்

U.அலி ஜலால் (த/பெ K.S.உதுமான்)

மணமகள்

R.ரஹிமா பர்வீன் ((த/பெ M.K.A.ரபீக்)

மணநாள்

ஹிஜிரி 1434 வருடம் துல்ஹஜ் பிறை 14 (20/10/2013) ஞாயிற்றுக்கிழமை

மண இடம்

மதுக்கூர்

மண வாழ்த்து

பாரக்கல்லாஹு லக்க வபாரக்க அலைக்க வஜம அ பைனகுமா ஃபீஹைர்

கருப்பூரார்.கே.எஸ்.உதுமான் அவர்கள் இல்லத்திருமணம்

மணமகன்

U.அலி ஜலால் (த/பெ K.S.உதுமான்)

மணமகள்

R.ரஹிமா பர்வீன் ((த/பெ M.K.A.ரபீக்)

மணநாள்

ஹிஜிரி 1434 வருடம் துல்ஹஜ் பிறை 14 (20/10/2013) ஞாயிற்றுக்கிழமை

மண இடம்

மதுக்கூர்

மண வாழ்த்து

பாரக்கல்லாஹு லக்க வபாரக்க அலைக்க வஜம அ பைனகுமா ஃபீஹைர்

எல்லா புகழும் அல்லாஹ்கே !
மதுக்கூர் நகர தமிழ்நாடு முஸ்லிம் முன்னேற்றக்கழகம் சார்பாக குர்பானி பிராணிகளின் தோல்களை இந்த வருடம் முதன்முதலாக வசூல் செய்யப்பட்டது.அனைவரின் ஒத்துழைப்புடன்  52 ஆட்டுத்தோல்கள் வசூல் செய்யப்பட்டது.ஒரு தோல் ரூ 300 வீதம் விற்பனை செய்யப்பட்டது.இதன் மூலம் கிடைக்கப்பெற்றுள்ள தொகை முழுவதும் மதுக்கூரை சேர்ந்த ஏழை,எளிய மக்களுக்கு உதவிகள் செய்யப்படும்.குர்பானி தோல் கொடுத்த சகோதர ,சகோதரிகளிடம் கணக்குகள் முறைப்படி ஒப்படைக்கப்படும்.(இன்ஷா அல்லாஹ்...)

மரண அறிவிப்பு

அமைதி பெற்ற ஆன்மாவே ! நீ உன் இரட்சகனிடம் திருப்தியடைந்த நிலையிலும்,திருப்தி கொள்ளப்பட்டதாகவும் செல்வாயாக !
எனது அடியார்களுடன் இணைந்து கொள்.எனது சுவர்க்கத்தில் நுழைந்து கொள் ( என அந்நாளில் கூறப்படும்)
( அல்குர் ஆன் :89:27-30)

மதுக்கூர் பெரியச்செட்டித்தெரு மர்ஹும் அ.முகம்மது இஸ்மாயில் அவர்களின் மகனும்,அகமது கபீர்,சேக்பரீது (முன்னாள் பேரூராட்சி துணைத்தலைவர்) ஆகியோரின் அண்ணனும்,தாவூத் அவர்களின் தகப்பனாரும்,எஸ்,கே.முகம்மது முஸ்தபா அவர்களின் மாமனாருமான கமாலுதீன் அவர்கள் இன்று 07/10/2013 வஃபாத்தாகிவிட்டார்கள்.

இன்னா லில்லாஹி வ இன்னா இலைஹி ராஜிவூன்

அன்னாரின் மறுமை வாழ்வு சிறக்க துவா செய்வோம்.

(குறிப்பு :மறைந்த கமாலுதீன் அவர்கள் சமுதாய அமைப்புகள் நடத்தும் போராட்டங்கள் பலவற்றில் பங்கு கொண்டவர்.அவர் எழுப்பும் நாரே தக்பீர் !  அல்லாஹ் அக்பர்  !! என்ற முழக்கம் இன்றும் காதுகளில் ஒலித்துக்கொண்டே இருக்கும்.)

பிஸ்மில்லாஹிர்ரஹ்மானிர்ரஹீம்...

அஸ்ஸலாமு அலைக்கும் வரஹ்மத்துலில்லாஹி வபரகாத்துஹு

கூட்டு குர்பானி

தமிழ்நாடு முஸ்லிம் முன்னேற்றக்கழகம் மதுக்கூர் நகரக்கிளையின் சார்பாக கூட்டு குர்பானி பங்கு ஒன்று

 ரூ 1200 /= மட்டுமே !

மேலும் நீங்கள் குர்பானி கொடுக்கும் பிராணிகளின் (ஆடு,மாடு) தோல்களை எங்களுக்கு தந்து ஏழை,எளிய மக்களுக்கு உதவிடுவீர் !

தொடர்புக்கு : 9597771520 (தாஜுதீன்),

                          9600258800 (சாகுல் ஹமீது)

மதுக்கூர் சன் கார்டனில் கடந்த 21/02/2013 அன்று முத்தாய் மலர்ந்தது மஸ்ஜித் .இப்பள்ளி சூரியத்தோட்டத்தில் கட்டப்பட பல நல்லுள்ளங்கள் பெரும் முயற்சிகள் எடுத்து அல்லாஹ்வின் கிருபையால் வெற்றியும் பெற்றார்கள்.அல்ஹம்துலில்லாஹ்..உழைத்த நன்மக்களை நன்றியுடன் நினைவுகூறுகின்றோம்.

பெரும் முயற்சியில் எழுப்பப்பட்ட இப்பள்ளியில் கழிவறை வசதி சற்று குறையாகவே உள்ளது.ஏனெனில் இங்கு உள்ள இரு கழிவறைகளும் "வெஸ்டன் டைப்" கொண்டது.ஒரு கழிவறை பள்ளியின் இமாம் (ஹஜ்ரத்) பயன்பாட்டிற்காக உள்ளது.ஹஜ்ரத்தை தவிர மற்றவர்கள் பயன்படுத்த முடியாது (பூட்டி இருக்கும்).மற்றொன்று பொது பயன்பாடு.இப்பள்ளியில் மற்ற பள்ளிகளில் உள்ளது போன்று சிறுநீர் கழிக்க தனி கழிவறை இல்லை (தற்காலிகமாக உளூ செய்யும் இடம் அருகில் ஏற்படுத்தப்பட்டுள்ளது பெரும்பாலனோர் பயன்படுத்துவதில்லை காரணம் அசுத்தமான வாடை)

கழிவறை வெஸ்டன் டைப் கொண்டுள்ளதாக இருப்பதாலும்,மிகவும் சிறியதாக இருப்பதாலும் (இருக்கின்ற இடத்தில் அமைத்துள்ளார்கள்) இக்கழிவறையில் சிறுநீர் கழிப்பவர்கள் பெரும்பாலனோர் நின்று கொண்டுதான் சிறுநீர் கழிக்கவேண்டிய நிர்பந்தமாக உள்ளது (கைலி அணிந்து இருந்தாலும்).உட்கார்ந்து சிறுநீர் கழித்தால் வெஸ்டன் டைப் கழிவறையில் முகம் படும் அளவில் உள்ளது.இப்பள்ளிவாசல் அமைய முயற்சி எடுத்த சகோதரர்கள் "வெஸ்டன் டை"ப்பை "இந்தியன் டைப்" கழிவறையாக மாற்றலாம்.அல்லது முழுவதுமாக ஒருகழிவறை சிறுநீர் கழிப்பதற்கு மட்டும் பயன்படுத்தும் வகையில் அமைக்கலாம்.

ஏனெனில் அதிகமான சகோதரர்கள் இப்பள்ளியில் தங்களின் இறைக்கடமையினை நிறைவேற்றுகின்றார்கள்.குறிப்பாக மார்க்கெட் பகுதியில்,மெயின்ரோட்டில் கடை வைத்திருக்கும் சகோதரர்கள் இங்கு தான் தொழுகைக்காக வருகின்றார்கள்.எனவே சிரமம்பாரமல் சிறுநீர் கழிக்க வசதியினை ஏற்படுத்தி தருமாறு அன்புடன் கேட்க்கொள்கின்றோம்.

மரண அறிவிப்பு

அமைதி பெற்ற ஆன்மாவே ! நீ உன் இரட்சகனிடம் திருப்தியடைந்த நிலையிலும்,திருப்தி கொள்ளப்பட்டதாகவும் செல்வாயாக !
எனது அடியார்களுடன் இணைந்து கொள்.எனது சுவர்க்கத்தில் நுழைந்து கொள் ( என அந்நாளில் கூறப்படும்)
( அல்குர் ஆன் :89:27-30)


மதுக்கூர் பெரியார் நகர் ஜமால் மளிகை மர்ஹும் செய்யது உசேன் அவர்களின் மகனும்,PSKM அல்லாப்பிச்சை ராவுத்தர் அவர்களின் மருமகனும்,ஜமால் முகம்மது அவர்களின் அண்ணனுமாகிய சதக்கத்துல்லா அவர்கள் இன்று 03/10/2013 வஃபாத்தாகிவிட்டார்கள்

இன்னா லில்லாஹி வ இன்னா இலைஹி ராஜிவூன்

அன்னாரின் மறுமை வாழ்வு சிறக்க துவா செய்வோம்.

மரண அறிவிப்பு

அமைதி பெற்ற ஆன்மாவே ! நீ உன் இரட்சகனிடம் திருப்தியடைந்த நிலையிலும்,திருப்தி கொள்ளப்பட்டதாகவும் செல்வாயாக !
எனது அடியார்களுடன் இணைந்து கொள்.எனது சுவர்க்கத்தில் நுழைந்து கொள் ( என அந்நாளில் கூறப்படும்)
( அல்குர் ஆன் :89:27-30)


மதுக்கூர் கீழ சூரியத்தோட்டம் பூண்டியார் வீட்டு மர்ஹும் நெய்னா முகம்மது அவர்களின் மனைவியும்,சேக் அலாவுதீன்,இத்ரீஸ்,சலீம் ஆகியோரின் தாயாருமான பரீதா அம்மாள் அவர்கள் இன்று 03/10/2013 வஃபாத்தாகிவிட்டார்கள்.

இன்னா லில்லாஹி வ இன்னா இலைஹி ராஜிவூன்

அன்னாரின் மறுமை வாழ்வு சிறக்க துவா செய்வோம்.

நன்றி !

மதுக்கூர் நகர தமிழ்நாடு முஸ்லிம் முன்னேற்றக்கழகம் (தமுமுக ) சார்பாக கடந்த ஆகஸ்ட் 19 ஆம் தேதி உதவிடுவீர் என்ற தலைப்பில் மதுக்கூர் மெளலானா தோப்பு நிஜாம் ராஜா ,ஜெய்லானி தம்பதியரின் மகன் சேக்பரீது (வயது15) என்ற மாணவனின் இரு சிறுநீரகங்களும் பாதிக்கப்பட்டிருந்தது.இதற்கான மருத்துவ செலவுக்கு உதவி கேட்டு இமெயில் அனுப்பி இருந்தோம்.பலர் தொடர்பு கொண்டு பாதிக்கப்பட்ட்ட மாணவனின் மருத்துவ செலவுக்கு நேரடியாகவும்,சிலர் நமது சமுதாய பேரியக்கம் தமுமுக மதுக்கூர் நகர கிளையின் மூலமாகவும் பொருளாதார உதவிகளை அனுப்பி இருந்தனர்.

மாணவன் சேக்பரீதுக்கு இன்னும் ஒருவாரத்தில் சிறுநீரகம் அறுவைசிகிச்சை நடைபெற உள்ளது.எனவே தமுமுக சார்பாக வசூல் செய்யப்பட்ட மொத்த தொகை ரூ 34000/= இன்று (02/10/2013) மாணவன் சேக்பரீது மற்றும் குடும்பத்தினரிடம் தமுமுக மதுக்கூர் நகர பொறுப்பாளர்கள் ராசிக் அகமது,ஜபருல்லா,நாஸரூதீன் ஆகியோர் ஒப்படைக்கப்பட்டது.

தமுமுக சார்பாக உதவி செய்தவர்கள்

துபாய் பணி செய்யும் சகோதரர் (SKM சபி மூலமாக)                   5000 /=

மதுக்கூரில் (தமுமுக பிரதிநிதி வசம் கொடுத்தவர்)                    5000 /=

மதுக்கூரில் (தமுமுக பிரதிநிதி வசம் கொடுத்தவர்)                   2000 /=

மதுக்கூரில் (தமுமுக பிரதிநிதி வசம் கொடுத்தவர்)                  1000/=

மதுக்கூரில் (தமுமுக பிரதிநிதி வசம் கொடுத்தவர்)                  100/=

19/08/2013 சவூதியில் பணியாற்றும் சகோதரர் மூலமாக (வங்கி மூலமாக)         1500/=

19/08/2013 துபாய் பணியாற்றும் சகோதரர்  (வங்கி மூலமாக GCC Exchange)        4020/=

28/08/2013 துபாய் பணியாற்றும் சகோதரர் (வங்கி மூலமாக)         5250/=

துபாயில் பணியாற்றும் சகோதரர் தந்தையார் மூலமாக (தமுமுக பிரதிநிதி வசம் )10000/=

ஆக கூடுதல் ரூ 33870/= வசூலானது.என்பதை நன்றியுடன் தெரிவித்துக்கொள்கின்றோம்.

மேலும் மாணவன் சேக்பரீது அறுவை சிகிச்சைக்கு மேலும் பொருளாதார உதவிகள் தேவை என மாணவனின் பெற்றோர் நம்மிடம் தெரிவித்து உள்ளார்கள்.யாரும் உதவி செய்ய விரும்பினால் நமது தமுமுக மதுக்கூர் நிர்வாகிகளை தொடர்பு கொள்ளவும்.

(குறிப்பு மேற்படி மாணவனின் மருத்துவ செலவுக்காக நமதூர் பெரியப்பள்ளிவாசலில் ஆகஸ்ட் மாதம் ஒரு  ஜும்மா தொழுகையில் ரூ 9000 /=,மஸ்ஜித் இஃக்லாஸ் பள்ளிவாசலில் ரூ 12300/= வசூல் செய்யப்பட்டு சம்மந்தப்பட்ட மாணவனின் குடும்பத்தினரிடம் ஒப்படைக்கப்பட்டுள்ளது)

பொறுப்பு ஏற்பு
மதுக்கூர் ஜாமியா மஸ்ஜித் பரிபாலன கமிட்டியின் புதிய நிர்வாகிகள் பொறுப்பு ஏற்பு நிகழ்ச்சி 27/09/2013 வெள்ளிக்கிழமை ஜும்மா தொழுகைக்கு பின்னர் பெரியப்பள்ளிவாசலில் நடைபெற்றது.முன்னதாக ஜும்மா உரை நிகழ்த்திய பெரியப்பள்ளியின் தலைமை இமாம் மெளலவி முகமம்து யூசுப் உலவி அவர்க்ள்  " நிர்வாகிகளின் பண்புகள் " என்ற தலைப்பில் உரை நிகழ்த்தினார்.இமாம் அவர்கள் தனது உரையில் புதிய நிர்வாகிகள் தங்களுக்கு வழங்கப்பட்டிருப்பது பதவி என கருதாமல் பொறுப்பு என கருதி செயல்படவேண்டும்.ஒவ்வொரு நபரும் பொறுப்பாளிகள் ஆவார்.பொறுப்புகள் நாளை மறுமையில் விசாரிக்கப்படும் என அச்சமூட்டி எச்சரிக்கை செய்தார்.


சிறந்த தலைவர் : சிறந்த தலைவர் என்பவர் தலைவர் மக்களையும்,மக்கள் தலைவரையும் நேசிக்கவேண்டும் என நபிகள் நாயகம் கூறிய நற்போதனைகளை எடுத்துரைத்தார்.மக்களின் தேவைகளை உணர்ந்து செயல்படவேண்டும் மக்கள் நிர்வாகிகளை எளிதாக அனுக வேண்டும்.தலைவர்களுக்கு மக்கள் முழுமையாக கட்டுப்படுதல் வேண்டும் எனவும் எடுத்துரைத்தார்.மேலும் எந்த ஆக்கபூர்வமான பணிகளுக்கும் அறிவாற்றல் மற்றும் அனுபவம் தேவை.எனவே முந்தைய நிர்வாகிகளிடம் அனுபவங்களை ஆலோசனைகளாக பெற்று திறம்பட செயலாற்ற வேண்டும் எனவும்.இன்றைய நிலையில் உலகில் உள்ள முஸ்லிம்கள் பல கூறுகளாக பிரிந்து இருக்கின்றார்கள்.முஸ்லிம்கள் ஒற்றுமையுடன் செயல்பட்டு ஊரின் வளர்ச்சிக்கு உதவ வேண்டும் எனவும் எடுத்துரைத்தார்.


தொழுகைக்கு பின்னர் மிப்தாஹுல் இஸ்லாம் சங்க தலைவர் E.M.அஜீஸ் ரஹ்மான்,முஸ்லிம் இளைஞர்  முன்னேற்ற சங்க தலைவர் A.M.அஜீஸ் ரஹ்மான் ஆகியோர் புதிய நிர்வாகிகள் தேர்வு செய்யப்பட்டது பற்றி முறைப்படி அறிவிப்பு செய்தார்கள்.புதிய நிர்வாகிகள் தங்களைப்பற்றிய அறிமுகமாக தலா இரண்டு நிமிடம் உரை நிகழ்த்தினர்கள்.பொறுப்பை ஏற்றுக்கொண்ட தலைவர் T.A.K.A.முகைதீன் மரைக்காயர் அவர்கள் முந்தைய நிர்வாகிகளின் ஆலோசனையுடனும்,ஜமாத் பெருமக்கள்,ஆலிம் பெருமக்கள்,இளைஞர்கள் ஆகியோரின் ஆலோசனையுடன் திறம்பட செயல்படுவேன்.எங்களின் பணிகள் சிறக்க துவா செய்யுங்கள் என பேசினார்.

செயலாளர் P.S.K.N.சதக்கத்துல்லா அவர்கள் ஜமாத் நிர்வாகம் திறந்த புத்தகமாக செயல்படும்.உங்களின் மேலான ஒத்துழைப்பு தேவை என பேசினார்,பொருளாளர் N.P.M.Y.பக்கீர் மைதீன் அவர்கள் தன்னை பொருளாளராக தேர்வு செய்தமைக்கு நன்றி தெரிவித்துக்கொண்டார்.பின்னர் இருசங்கங்களின் சார்பாகவும்,மதுக்கூர் பொதுநல கமிட்டி,தமிழ்நாடு முஸ்லிம் முன்னேற்றக்கழகம்,மனிதநேய மக்கள் கட்சி,பிஎப்ஐ,எஸ்டிபிஐ மற்றும் பலர் புதிய நிர்வாகிகளை கெளரவித்தார்கள்.ஜும்மாவுக்கு வருகை தந்த அனைவருக்கும் மதுக்கூர் பொது நல கமிட்டியின் சார்பாக இனிப்பு வழங்கப்பட்டது.  

லப்பைக்க, அல்லாஹும்ம லப்பைக்க,

புனித பயணம்

ஹஜ்ஜையும், உம்ராவையும் அல்லாஹ்வுக்காகப் பூர்த்தி செய்யுங்கள்;(அல் குர் ஆன் 2:196)
இப்னு உமர்(ரலி) அறிவித்தார்.

இறைத்தூதர்(ஸல்) அவர்கள் (ஹஜ்ஜுக்காக இஹ்ராம் கட்டியபோது) தலை முடியைக் களிம்பு தடவிப் படியவைத்தவர்களாக, 'லப்பைக்க, அல்லாஹும்ம லப்பைக்க, லா ஷரீ(க்)க, ல(க்)க லப்பைக்க, இன்னல் ஹம்த வந்நிஅமத்த ல(க்)க வல்முல்(க்)க, லா ஷரீ(க்)க லக்க' என்று கூற கேட்டேன். இந்த வார்த்தைகளை விட அதிகமாக அவர்கள் எதையும் கூறவில்லை. (பொருள்: இதோ, உன் அழைப்பை ஏற்று வந்து விட்டேன். இறைவா! உனக்கே நான் கீழ்ப்படிகிறேன். இணையில்லாதோனே! உனக்கே எல்லாப் புகழும். அருட்கொடையும் ஆட்சியும் உனக்கே உரியன. உனக்கு இணையாணவர் எவருமில்லை).

வணக்கத்திற்குரியவன் அல்லாஹ்வையன்றி வேறு யாருமில்லை என்றும் முஹம்மத் அவர்கள் இறைத்தூதர் என்றும் உறுதியாக நம்புதல், தொழுகையை நிலை நிறுத்துதல், ஸகாத்து வழங்குதல், ஹஜ் செய்தல், ரமாலானில் நோன்பு நோற்றல், ஆகிய ஐந்து காரியங்களின் மீது இஸ்லாம் நிறுவப்பட்டுள்ளது' என்று இறைத்தூதர்(ஸல்) அவர்கள் கூறினார்கள்: என இப்னு உமர்(ரலி) அறிவித்தார்.

உலகமெங்கும் வாழும் முஸ்லிம்கள் தங்களின் ஐந்தாவது கடமையான புனிதமிகு ஹஜ் பயணத்தை இந்த துல் கஅதா மாதம்  தொடங்கி அடுத்த வரக்கூடிய துல்ஹஜ் மாதம் வரை மெக்கா நோக்கி புனித பயணம் செய்வார்கள்.இந்த வருடமும் மதுக்கூரிலிருந்து 13  நபர்கள் ஹஜ் பயணம் மேற்கொள்கின்றார்கள். (ஹஜ் கமிட்டி மூலமாக 10 நபர்களும்,தனியார் ஹஜ் கமிட்டி முலமாக 3 நபர்களும் செல்கின்றார்கள்)நம் அறிந்தவரை ஹஜ் சென்று வருபவர்கள் ஒருசிலர் வந்த ஒரு மாதகாலம் இபாதத் பணிகளை தொய்வின்றி  செய்வார்கள்.நாட்கள் கடந்ததும் இபாதத் படிப்படியாக குறைந்து பள்ளிவாசல்களின் பக்கம் வருகையினை குறைந்து கொள்வார்கள்.அதுபோல பெண்கள் ஹஜ் சென்று வந்ததும் ஐவேளை தொழுகையினை பேணித்தொழுதுவருவார்கள் பிறகு படிப்படியாக குறைந்து தங்களின் இபாதத்துக்களை இழந்துவிடுகின்றார்கள்.ஹஜ் பயணம் சென்றுவந்த ஒருசிலர் நபர்கள் ஐவேளை தொழுகையினை இழந்து இருக்கும் தூர்பாக்கியமான நிலைகளும் இருக்கின்றது.

இறைத்தூதர்(ஸல்) அவர்கள் கூறினார்கள்:
"உடலுறவு மற்றும் பாவமான செயல்களில் ஈடுபடாமல் ஒருவன் அல்லாஹ்வுக்காகவே ஹஜ் செய்தால் அவன் அவனுடைய தாய் அவனைப் பெற்றெடுத்த நாளில் இருந்ததைப் போன்று (பாவமறியாயப் பாலகனாகத்) திரும்புவான்."
என அபூ ஹுரைரா(ரலி) அறிவித்தார்.

நிச்சயமாக “ஸஃபா”, “மர்வா” (என்னும் மலைகள்) அல்லாஹ்வின் அடையாளங்களில் நின்றும் உள்ளன; எனவே எவர் (கஃபா என்னும்) அவ்வீட்டை ஹஜ் அல்லது உம்ரா செய்வார்களோ அவர்கள் அவ்விரு மலைகளையும் சுற்றி வருதல் குற்றமல்ல; இன்னும் எவனொருவன் உபரியாக நற்கருமங்கள் செய்கிறானோ, (அவனுக்கு) நிச்சயமாக அல்லாஹ் நன்றியறிதல் காண்பிப்பவனாகவும், (அவனுடைய நற்செயல்களை) நன்கறிந்தவனாகவும் இருக்கின்றான்.

செயல்களில் சிறந்தது எது?' என்று இறைத்தூதர்(ஸல்) அவர்களிடம் வினவப்பட்டதற்கு, 'அல்லாஹ்வையும் அவனுடைய தூதரையும் நம்பிக்கை கொள்வது' என்றார்கள். 'பின்னர் எது?' என வினவப்பட்டதற்கு, 'இறைவழியில் போரிடுதல்' என்றார்கள். 'பின்னர் எது?' என்று கேட்கப்பட்டதற்கு, 'அங்கீகரிக்கப்படும் ஹஜ்' என்றார்கள்' என அபூ ஹுரைரா(ரலி) அறிவித்தார்.

ஹஜ் பயணம் மேற்கொள்பவர்கள் எந்த நோக்கத்திற்காக இறைவன் இக்கடமையினை நிறைவேற்ற சொன்னான் என்பதை உணர்ந்து அதன் படி நிறைவேற்றி அனைத்து பாவங்களையும் அல்லாஹ் மன்னித்து அன்று பிறந்த பாலகனைப்போன்று ஊர் திருப்ப அல்லாஹ்வை பிரார்த்திப்போம்.
இந்த வருடம் நமதூரிலிருந்து ஹஜ் பயணம் மேற்கொள்பவர்கள்:

1.முகம்மது அலி ஜின்னா
2.சிராஜுனிஷா (க/பெ முகம்மது அலி ஜின்னா)
3.நத்தர்ஷா
4.பெளஜியா (க/பெ நத்தர்ஷா)
5.ஜமால் முகம்மது
6.ரகீலா பீவி (க/பெ ஜமால் முகம்மது)
7.ஹமீது ஜெகரான் (க/பெ உதுமான்ஷா)
8.ரகீலா பீவி (க/பெ அப்துல் ரஜாக்)
9.ரசீனா (க/பெ அப்துல் கறீம்)
10.மும்தாஜ் பேகம் (க/பெ இஷாக்)

மேல் குறிப்பிடப்பட்டவர்கள் தமிழ்நாடு ஹஜ் கமிட்டியின் மூலம் ஹஜ் பயணம் செய்பவர்கள்.கீழ்கண்டவர்கள் தனியார் ஹஜ்  கமிட்டி மூலமாக செல்பவர்கள்.

1.சுபைதா பீவி (க/பெ அப்துல் கறீம்)
2.பென்னரசி (க/பெ ரகுமத்துல்லா)
3.ரஹிஜான் பீவி (க/பெ முகம்மது யாக்கூப்)
மதுக்கூரிலிருந்து ஹஜ் பயணம் மேற்கொள்ளும் சகோதர,சகோதரிகள்(ஹஜ்கமிட்டி மூலமாக பயணம் மேற்கொள்பவர்கள்)இன்று 26/09/2013 மாலை 7:00 மணியளவில்  வழியனுப்பி வைக்கப்பட்டார்கள்.இந்நிகழ்ச்சியில் பள்ளிவாசல் ஆலிம் பெருமக்கள்.ஜமாத் மற்றும் சங்க நிர்வாகிகள்,பேரூராட்சி தலைவர் மற்றும் உறுப்பினர்கள்,வர்த்தக பிரமுகர்கள்,சமுதாய அமைப்புகளின் பிரதிநிதிகள்,தாய்மார்கள், என பலதரப்பட்டவர்களும் கலந்து கொண்டார்கள்,இன்று ஊரிலிருந்து புறப்படும் இவர்கள் வருகின்ற 29/09/2013 சென்னையிலிருந்து விமான பயணத்தை மேற்கொள்கின்றார்கள்.(இன்ஷா அல்லாஹ்)

(தனியார் ஹஜ் சர்வீஸ் மூலம் செல்பவர்கள் வருகின்ற நாட்களில் செல்ல இருக்கின்றார்கள்..இன்ஷா அல்லாஹ்)

ஹஜ்பயணம் மேற்கொள்ளும் அனைவரின் ஹஜ்ஜையும் அல்லாஹ் ஏற்றுக்கொண்டு அன்று பிறந்த பாலகனைப்போன்று நல்லவிதமாக தாயகம் திருப்ப ஏக வல்ல அல்லாஹ்விடம் பிரார்த்திப்போம்.

"அல்லாஹ்வின் மஸ்ஜிதுகளைப் பரிபாலனம் செய்யக்கூடியவர்கள், அல்லாஹ்வின் மீதும் இறுதிநாள் மீதும் ஈமான் கொண்டு தொழுகையைக் கடைப்பிடித்து ஜகாத்தை (முறையாகக்) கொடுத்து அல்லாஹ்வைத் தவிர வேறெதற்கும் அஞ்சாதவர்கள்தாம் - இத்தகையவர்கள்தாம் நிச்சயமாக நேர் வழி பெற்றவர்களில் ஆவார்கள்.(அல் குர் ஆன் 9:18)

ஆட்சியாளர்களே ! மக்களுக்கு நற்செய்திகளையே வழங்குங்கள்.வெறுப்பூட்டாதீர்கள் ! (மக்களுடைய பணிகளை) எளிதாக்கித்தாருங்கள்: தொல்லை தராதீர்கள்.(நபிமொழி)

பதவி ஏற்பு

மதுக்கூர் ஜாமியா மஸ்ஜித் பரிபாலன கமிட்டியின் புதிய நிர்வாகிகள் பதவி ஏற்பு நிகழ்ச்சி இன்று மாலை 5:30 மணியளவில் மதுக்கூர் பெரியப்பள்ளிவாசலில் மிப்தாஹுல் இஸ்லாம் சங்க தலைவர் E.M.அஜீஸ் ரஹ்மான் அவர்கள் தலைமையில் நடைபெற்றது.இக்கூட்டத்தில் A.M.அப்துல் காதர் அவர்கள் T.A.K.A.முகைதீன் மரைக்காயர் அவர்கள் எனது பொறுப்பினை ஏற்றுக்கொள்வார் என முன்மொழிய A.M.அஜீஸ் ரஹ்மான் அவர்கள் வழிமொழித்தார்கள்.இந்நிகழ்ச்சியில் முஸ்லிம் இளைஞர் முன்னேற்ற சங்கத்தின் தலைவர் A.M.அஜீஸ் ரஹ்மான்,செயலாளர் P.S.A.ஜபருல்லா,மிப்தாஹுல் இஸ்லாம் சங்க தலைவர் E.M.அஜீஸ்ரஹ்மான்,செயலாளர் S.N.S.M.ஹாஜா முகைதீன்,பொருளாளர் N.P.M.M.ரியாஸ் அகமது மற்றும் பழைய நிர்வாகிகளிடமிருந்து வரவு செலவுகளை பெற்ற M.S.A.அப்துல் ரெஜாக்,A.N.M.முகம்மது அலி ஜின்னா,A.M.பாரூக், மற்றும் 40 மேற்பட்டவர்கள் இந்நிகழ்ச்சியில் கலந்து கொண்டார்கள்.பெரியப்பள்ளியின் இமாம் கூட்டு பிரார்த்தனை செய்தார்.

முன்னதாக புதிய நிர்வாகம் பதவி ஏற்பு நிகழ்ச்சியினை முன்னாள் நிர்வாகிகளான P.S.K.N.அமானுல்லா,N.S.M.முகம்மது பாரூக்,M.K.M.அப்துல்கறீம்,M.V.M.அப்துல் சமது மற்றும் மூத்த உறுப்பினர் P.S.K.A.அல்லாப்பிச்சை ராவுத்தர் ஆகியோர் புறகணித்தனர்.

இன்று பதவி ஏற்றுக்கொண்டவர்கள்

தலைவர் :T.A.K.A. முகைதீன் மரைக்காயர்

செயலாளர் : P.S.K.N.சதக்கத்துல்லா

பொருளாளர் : N.P.M.பக்கீர் மைதீன்

(புதிய நிர்வாகம் 3 ஆண்டுகள் செயல்படும் என தெரிவிக்கபட்டது இன்ஷா அல்லாஹ்...)
 

அண்மைச்செய்தி

மதுக்கூர் ஜாமி ஆ மஸ்ஜித் பரிபாலன கமிட்டியின் தலைவராக சகோதரர் T.A.K.A.முகைதீன் மரைக்காயர் அவர்கள் இன்று தேர்வு செய்யப்பட்டார்.மேலும் செயலாளராக P.S.K.N. சதக்கத்துல்லா அவர்களும்,பொருளாளராக சகோதரர் நெ.பா.பக்கீர்மைதீன் (வாத்தியார்)அவர்களும் தேர்வு செய்யப்பட்டார்கள்.
பணிகள் சிறக்க துவா செய்வோம்.

முகைதீன் மரைக்காயர் தொடர்பு எண் : 948 803 4647

சந்தைப்பள்ளிக்கூடம்

மதுக்கூர் (தெற்கு) ஊராட்சி ஒன்றிய நடுநிலைப்பள்ளி (சந்தைப்பள்ளிக்கூடம்) பேரூராட்சி தன்னிறைவுத்திட்டத்தின் கீழ் பொதுமக்களின் பங்களிப்புடன் (வெளிநாடு வாழ் மதுக்கூர் சகோதரர்களின்) புதிய கட்டிட கட்டுமான பணிகள் பேரூராட்சி தலைவர் சகோதரர் என்.எஸ்.எம்.பஷீர் அகமது அவர்களின் தீவிர முயற்சியால் தொடர்ந்து வேலைகள் நடைபெற்று வருகின்றது.இன்று 24/09/2013 ஒட்டு எனப்படும் சிலாப்பு போடப்பட்டது.அல்ஹம்துலில்லாஹ்..

பொதுபணித்துறையால் இறை இல்லத்திற்கு ஆபத்து...........களத்தில் தமுமுக..

தஞ்சாவூர் அருகில் உள்ள புகழ்பெற்ற ஊர்களின் ஒன்று கல்லணை.கரிகாலச்சோழனால் கட்டப்பட்ட கல்லணையில் தமிழக அரசு சார்பாக கரிகாலச்சோழனுக்கு மணிமண்டபம் கட்டப்படும் என தமிழக முதலமைச்சர் அறிவித்து இருந்தார்.அதன்படி கரிகாலச்சோழனுக்கு மணிமண்டபம் கட்டுவதற்கான பணிகளும் தொடக்கப்பட்டது.மண்டபம் கட்டுவதற்கு இடையூறாக உள்ளது என கூறி பொதுபணித்துறை கல்லணையில் மூன்று முஸ்லிம்களின் வீடு உட்பட 16 வீடுகளை இடித்துள்ளார்கள்.மேலும் வீடுகள் இடிக்கப்பட்டதும் அருகில் இருக்கும் சுமார் 112 வருடமாக முஸ்லிம்கள் தொழுகை நடத்திவரும் பள்ளிவாசல் சுற்றுசுவரையும்.பள்ளிவாசலின் பேஷ் இமாம் தங்கும் வீட்டையும் இடிப்பதற்காக ஆய்வு செய்து பள்ளிவாசலின் சுற்றுசுவர் கொஞ்சம் இடிக்கப்பட்டுள்ளது.தகவல் அறிந்த தஞ்சை தெற்கு மாவட்ட தமுமுக நிர்வாகம் பொதுபணித்துறையினரை வன்மையாக கண்டித்து அடுத்தக்கட்டத்திற்கு பள்ளிவாசல் சுற்றுசுவர் இடிபடாமல் காத்துக்கொண்டார்கள்.(அல்ஹம்துலில்லாஹ்) நேற்று 22/09/2013 தஞ்சாவூர் வருகை தந்த தமுமுக மூத்த தலைவரும்,சட்டமன்ற உறுப்பினருமான பேராசிரியர் ஜவாஹிருல்லாஹ் அவர்கள் கல்லணை சென்று பள்ளிவாசல் நிர்வாகத்தினரை சந்தித்து அடுத்தகட்ட நடவடிக்கைகள் பற்றி விரிவாக பேசியுள்ளார்.இச்சந்திப்பின் போதுமாநிலச் செயளாலர் பேரா.ஹாஜாகணி, மமக மாநில அமைப்புச் செயளாலர் சகோ. ராவுத்தர்ஷா, தஞ்சை தெற்க்கு மாவட்ட தலைவர் சகோ.அப்துல் ஜப்பார், மாவட்ட தமுமுக செயளாலர் சகோ. அஹமது ஹாஜா, மாவட்ட மமக செயளாலர் சகோ.அஹமது கபீர்,மாவட்ட பொருளாலர் டாக்டர், ஷேக் அலாவுதீன், மாவட்ட, ஒன்றிய, கிளைக்களக நிர்வாகிகள் மற்றும் கல்லனை ஜமாத்தார்கள் ஆகியோர் உடன் இருந்தனர்.

உண்மையாலுமா...?
மதுக்கூர் சேக்பரீது ஒலியுல்லாஹ் தர்ஹா உண்டியல் நேற்று (18/09/2013) வக்ப் போர்டு கண்காணிப்பாளர் அவர்களால் சீல் வைக்கப்பட்டது.மேலும் 12 ஆண்டுகளாக ஜமாத் நிர்வாக பொறுப்பில் இருக்கும் நிர்வாகிகள் தங்களின் பொறுப்புக்களை மூவர் கமிட்டியிடம் தான் ஒப்படைப்போம் என கூறிவிட்டார்கள் என்ற தகவல் வெளியாகி உள்ளது.மூவர் கமிட்டியில் மெடிக்கல்கடை பெரியவர்,அரிசி ஆலை அதிபர்,இறைச்சிக்கடை பிரமுகர் என மூவரும் இருப்பதாகவும் செய்திகள் வெளியாகி உள்ளது........உண்மையாலுமா ....?

மதுக்கூர் அதிரைரோடு அல்சபா காலனி மர்ஹும் முத்தலிபு அவர்களின் மனைவியும்,சமையல் மாஸ்டர்கள் (பண்டாரி) மைதீன்,அகமது ஆகியோரின் தாயாருமான மைமூன் சரிபா அவர்கள் இன்று 19/09/2013) வஃபாத்தாகிவிட்டார்கள்.

இன்னா லில்லாஹி வ இன்னா இலைஹி ராஜிவூன்

அன்னாரின் மறுமை வாழ்வு சிறக்க துவா செய்வோம்.

 உண்மையாலுமா .....?

மதுக்கூர் ஜாமியா மஸ்ஜித் பரிபாலன கமிட்டிக்கு புதிய நிர்வாகிகள் தேர்வு செய்யப்பட்டதாக மதுக்கூரின் இரு சங்கங்களும் நோட்டீஸ் மூலமாக இரு வாரங்களுக்கு முன்னர்  மக்களுக்கு தெரிவித்தனர்.புதிய நிர்வாகிகளும்  இன்று பதவி ஏற்பார்கள் நாளை பதவி ஏற்பார்கள் என நாளுக்கு ஓர் தகவல்கள் வந்தவண்ணம் உள்ளது.இதற்கிடையில் இன்றுவரை நிர்வாகத்தில் இருக்கும் நிர்வாகிகள் நாங்கள் கடந்த 12 வருடங்களாக நிர்வாகத்தில் இருக்கின்றோம் .கணக்குகள் முறையாக பரமரிக்கப்பட்டு வைத்துள்ளோம்.12 ஆண்டுகளின் கணக்கு வக்ப் வாரிய கண்காணிப்பாளர் முன்னிலையில் ஜமாத்தரிடம் ஓப்படைக்கின்றோம் என கூறியதாக தகவல்கள் தெரிவிக்கின்றன.இதனால் புதிய நிர்வாகிகள் பொறுப்பேற்பது காலதமாதம் ஆகுமாம்.

நிக்காஹ் (திருமண) வாழ்த்து

                 
மணமகன் 

A.நத்தர்ஷா
( த/பெ M.N.M.அஜ்மல்கான்)
 
மணமகள்
A.பரக்கத்து நிஷா 
(த/பெ S.அப்துல் ரஹீம்)

                                                                  மண இடம்
                                                                    
                                                                      மதுக்கூர்
 

மணநாள் 

ஹிஜிரி 1434 துல் க அதா பிறை 09 (16/09/2013 திங்கள் கிழமை)

                                                                 மணவாழ்த்து

பாரக்கல்லாஹு லக்க வபாரக்க அலைக்க வஜமஅ  பைனகுமா ஃபீஹைர்