தமிழர்களின் கலாச்சார போராட்ட களத்திற்கு மத்தியில் தமிழர்களின் உயிர் நாடியான விவசாயத்திற்கான போராட்டம் "சோறுடைத்த சோழ நாட்டின் தலைநகர் தஞ்சையில் சோற்றுக்காக வழி இன்றி வாடும் விவசாயிகளின் வாழ்வுரிமை ஆர்ப்பாட்டம்.

மனிதநேய மக்கள் கட்சி சார்பாக ஜனவரி 19 தஞ்சாவூரில் நடைபெற்ற விவசாயிகளின் வாழ்வுரிமை ஆர்ப்பாட்ட பத்திரிக்கை செய்திகள்.

வாழ்த்தும்..பிரார்த்தனையும்.

இளம் சாதனையாளர் விருது பெற்ற எங்கள் பாசமிகு சகோதரர்.மதுக்கூர் பேரூர் கழக பொருளாளர்,கிரசெண்ட் கன்ஸ்ட்ரசன் மதுக்கூர் Er .A முகமது இலியாஸ் BE அவர்கள் மென்மேலும் வளர வாழ்த்துக்களும்.பிரார்த்தனைகளும்.

அன்புடன்
தமிழ்நாடு முஸ்லிம் முன்னேற்றக்கழகம்.(TMMK)
மதுக்கூர் பேரூர்க் கழகம்

கேன்ஸர் விழிப்புணர்வு நிகழ்ச்சி

அதிரையில் 29/08/2016 கேன்ஸர் வளிப்புனர்வு நிகழ்ச்சி --கேன்ஸரிலிருந்து தப்புவது எப்படி? Cancer Awareness Program

இந்த நூற்றாண்டில் மனித சமூகத்துக்குப் பெரும் சவாலாக உள்ள நோய்களுள் மிக முக்கியமானது ‘கேன்ஸர்’ எனும் புற்றுநோயாகும். இந்தியாவில் ஆண்டுதோறும் 8 லட்சம் பேர் புற்று நோயால் பாதிக்கப்படுகின்றனர்.

புற்றுநோய் என்றால் என்ன?

மனித உடலின் வளர்ச்சிக்கும் இயக்கத்துக்கும் இன்றியமையாதவையாகத் திகழும் ‘செல்கள்’ எனும் உயிரணுக்களைச் செயற்படவிடாமல் தடுக்கும் நோயைத்தான் புற்றுநோய் என்கின்றோம்.

கேன்ஸர் எனும் புற்று நோயின் உற்பத்தியைப் பற்றிக் கட்டாயம் நாம் தெரிந்து கொள்ள வேண்டும்.

ஒரு குழந்தை பிறந்து வளர்கிறதென்றால் குறிப்பிட்ட கணக்கில் அக்குழந்தையினுள் செல்கள் பிறந்து, தன் பணியினை முடித்துக்கொண்டு உயிரிழந்துவிடும். உயிரிழந்த செல்கள் அழிந்துகொண்டிருக்கும்போதே புதிய செல்கள் பழைய செல்களின் அளவைவிடக் கூடுதலாகப் பிறந்துவிடும். பழைய செல்களின் இறப்பும் அவற்றின் அழிவும் புதிய செல்களின் உற்பத்தியும்தான் குழந்தையையும் அதன் தலை முடியையும் நகங்களையும் விரைந்து வளர்க்கின்றன. பழைய செல்களின் இறப்பைவிட, புதிய செல்கள் குறைவாக உற்பத்தி ஆவதையே நாம் ‘முதுமை’, ‘நினைவாற்றல் குறைவு’, ‘தடுமாற்றம்’ என்கின்றோம்.

ஆரோக்கியமான உடல் நலம் உள்ள ஒருவருக்கு, எத்தனை செல்கள் புதிதாகப் பிறக்கின்றன தெரியுமா?

ஒரு வினாடிக்கு சுமார் 20,00,000 (2 மில்லியன்) செல்கள்! வளரும் இளைஞர் ஒருவரின் உடலில் அழியும் செல்களை ஈடுகட்டவும் புத்தியக்கத்திற்கும் பிறப்பெடுக்கும் செல்களின் ஒரு நாள் எண்ணிக்கை சுமார் 222-242 பில்லியன். உயிரை இழந்து அழியும் செல்களின் ஒரு நாள் எண்ணிக்கை 50-70 பில்லியன்.

இவ்வாறாக, உயிரிழந்து அழியவேண்டிய செல்கள், அழிந்துவிடாமல் சிலரின் உடலில் தங்கிவிடுகின்றன. வீணான, தேவையற்ற இந்த செல்கள்தாம் ‘கேன்ஸர் செல்கள்’.

கேன்ஸர் எனும் புற்று நோய்க்கான ஆரம்ப அறிகுறிகள் யாவை?
எந்த வகையான உணவுப் பொருட்களைத் தவிர்த்துக்கொண்டால் …?
எந்தப் பொருட்களைப் பயன்படுத்தாவிட்டால் …?
எந்த வகை வாழ்க்கை முறைக்கு மாறிவிட்டால் … புற்று நோயிலிருந்து தப்பிக்கும் சாத்தியங்கள் உள்ளன?

என்பது குறித்து ஆழமான விழிப்புணர்வு முகாம் ஒன்றை அதிரை தாருத் தவ்ஹீத் ஏற்பாடு செய்துள்ளது. அதன் விபரங்கள்:

இடம் : பவித்ரா திருமண மண்டபம், ECR, அதிராம்பட்டினம்.
காலம் : 29.8.2016 திங்கட்கிழமை, காலை 10 மணி முதல் பகல் 1 மணி வரை
காணொளி விளக்கம் : டாக்டர் M. முஹம்மது இப்ராஹீம்.
MS., MRCS (UK)., DNB., FMAS., FAIS.

நிகழ்ச்சியின் இறுதியில் புற்று நோய் குறித்த உங்கள் ஐயங்களைக் கேள்விகளாகக் கேட்டுத் தெளிவடையலாம்.

சிறந்த கேள்விகள் கேட்கும் மூவரைத் தேர்ந்தெடுத்து, பரிசுகள் வழங்கப்படும்.

பெண்களுக்குத் தனி இட வசதி உண்டு.

டாக்டரிடம் தனியாகச் சிறப்பு ஆலோசனை பெற முன் பதிவு செய்துகொள்ளுங்கள்: 9043727525.

கேன்ஸர் விழிப்புணர்வு நிகழ்ச்சி

அதிரையில் 29/08/2016 கேன்ஸர் வளிப்புனர்வு நிகழ்ச்சி --கேன்ஸரிலிருந்து தப்புவது எப்படி? Cancer Awareness Program

இந்த நூற்றாண்டில் மனித சமூகத்துக்குப் பெரும் சவாலாக உள்ள நோய்களுள் மிக முக்கியமானது ‘கேன்ஸர்’ எனும் புற்றுநோயாகும். இந்தியாவில் ஆண்டுதோறும் 8 லட்சம் பேர் புற்று நோயால் பாதிக்கப்படுகின்றனர்.

புற்றுநோய் என்றால் என்ன?

மனித உடலின் வளர்ச்சிக்கும் இயக்கத்துக்கும் இன்றியமையாதவையாகத் திகழும் ‘செல்கள்’ எனும் உயிரணுக்களைச் செயற்படவிடாமல் தடுக்கும் நோயைத்தான் புற்றுநோய் என்கின்றோம்.

கேன்ஸர் எனும் புற்று நோயின் உற்பத்தியைப் பற்றிக் கட்டாயம் நாம் தெரிந்து கொள்ள வேண்டும்.

ஒரு குழந்தை பிறந்து வளர்கிறதென்றால் குறிப்பிட்ட கணக்கில் அக்குழந்தையினுள் செல்கள் பிறந்து, தன் பணியினை முடித்துக்கொண்டு உயிரிழந்துவிடும். உயிரிழந்த செல்கள் அழிந்துகொண்டிருக்கும்போதே புதிய செல்கள் பழைய செல்களின் அளவைவிடக் கூடுதலாகப் பிறந்துவிடும். பழைய செல்களின் இறப்பும் அவற்றின் அழிவும் புதிய செல்களின் உற்பத்தியும்தான் குழந்தையையும் அதன் தலை முடியையும் நகங்களையும் விரைந்து வளர்க்கின்றன. பழைய செல்களின் இறப்பைவிட, புதிய செல்கள் குறைவாக உற்பத்தி ஆவதையே நாம் ‘முதுமை’, ‘நினைவாற்றல் குறைவு’, ‘தடுமாற்றம்’ என்கின்றோம்.

ஆரோக்கியமான உடல் நலம் உள்ள ஒருவருக்கு, எத்தனை செல்கள் புதிதாகப் பிறக்கின்றன தெரியுமா?

ஒரு வினாடிக்கு சுமார் 20,00,000 (2 மில்லியன்) செல்கள்! வளரும் இளைஞர் ஒருவரின் உடலில் அழியும் செல்களை ஈடுகட்டவும் புத்தியக்கத்திற்கும் பிறப்பெடுக்கும் செல்களின் ஒரு நாள் எண்ணிக்கை சுமார் 222-242 பில்லியன். உயிரை இழந்து அழியும் செல்களின் ஒரு நாள் எண்ணிக்கை 50-70 பில்லியன்.

இவ்வாறாக, உயிரிழந்து அழியவேண்டிய செல்கள், அழிந்துவிடாமல் சிலரின் உடலில் தங்கிவிடுகின்றன. வீணான, தேவையற்ற இந்த செல்கள்தாம் ‘கேன்ஸர் செல்கள்’.

கேன்ஸர் எனும் புற்று நோய்க்கான ஆரம்ப அறிகுறிகள் யாவை?
எந்த வகையான உணவுப் பொருட்களைத் தவிர்த்துக்கொண்டால் …?
எந்தப் பொருட்களைப் பயன்படுத்தாவிட்டால் …?
எந்த வகை வாழ்க்கை முறைக்கு மாறிவிட்டால் … புற்று நோயிலிருந்து தப்பிக்கும் சாத்தியங்கள் உள்ளன?

என்பது குறித்து ஆழமான விழிப்புணர்வு முகாம் ஒன்றை அதிரை தாருத் தவ்ஹீத் ஏற்பாடு செய்துள்ளது. அதன் விபரங்கள்:

இடம் : பவித்ரா திருமண மண்டபம், ECR, அதிராம்பட்டினம்.
காலம் : 29.8.2016 திங்கட்கிழமை, காலை 10 மணி முதல் பகல் 1 மணி வரை
காணொளி விளக்கம் : டாக்டர் M. முஹம்மது இப்ராஹீம்.
MS., MRCS (UK)., DNB., FMAS., FAIS.

நிகழ்ச்சியின் இறுதியில் புற்று நோய் குறித்த உங்கள் ஐயங்களைக் கேள்விகளாகக் கேட்டுத் தெளிவடையலாம்.

சிறந்த கேள்விகள் கேட்கும் மூவரைத் தேர்ந்தெடுத்து, பரிசுகள் வழங்கப்படும்.

பெண்களுக்குத் தனி இட வசதி உண்டு.

டாக்டரிடம் தனியாகச் சிறப்பு ஆலோசனை பெற முன் பதிவு செய்துகொள்ளுங்கள்: 9043727525.

தன்னார்வ பணிகளில் தமுமுக.............

மக்கள் சேவைகளில் மனிதநேயமக்கள் கட்சி...

 (அல்ஹம்துலில்லாஹ்)

வெள்ளத்தால் பாதிக்கப்பட்ட மக்களுக்கு பல்வேறு இஸ்லாமிய அமைப்புகள் தங்களின் பணியினை தூய்மையான எண்ணங்களுடன் செய்துவருகின்றார்கள்.குறிப்பாக தமிழ்நாடு முஸ்லிம் முன்னேற்றக்கழகம் (தமுமுக),மனிதநேய மக்கள் கட்சி (மமக) தீபாவளிக்கு முன்னர் ஏற்பட்ட மழை சேதங்களிலிருந்து மக்களை காப்பாற்றுவது,நிவாரண உதவிகளை மேற்கொள்வது என தனது பணியினை தொடர்ந்து இன்றுவரை ஓய்வின்றி செய்து வருகிறது.அல்ஹம்துலில்லாஹ்..

தஞ்சாவூர் (தெற்கு) மாவட்டம் சார்பாக குறிப்பாக மதுக்கூர்,அதிராம்பட்டிணம்,பட்டுக்கோட்டை,முகம்மது பந்தர் பகுதிகளிலிருந்து சேகரிக்கப்பட்ட சுமார் 5 இலட்சம் மதிப்பிளான நிவாரணப்பொருட்களுடன்.நேற்று நள்ளிரவு மதுக்கூர் நகர அலுவலகத்திலிருந்து அதிராம்பட்டிணம்,பட்டுக்கோட்டை அவசர கால ஊர்திகள் மற்றும் நிவாரண பொருட்களை ஏற்றிவந்த 4 வாகனங்களுடன் மனிதநேய மக்கள் கட்சியின் மாநில அமைப்புச்செயலாளர் தஞ்சை பாதுஷா,தமுமுக (தெற்கு) மாவட்ட செயலாளர் அதிரை அகமது ஹாஜா,மனிதநேய மக்கள் கட்சி மாவட்ட செயலாளர் மதுக்கூர் கபார் ஆகியோர் முன்னிலையில் கடலூரை நோக்கி பயண மேற்கொண்டோம்.

விருத்தச்சலத்தில் உள்ள நவாப் மஸ்ஜித் தமுமுக,மமக பொறுப்பாளர்கள் எந்தஎந்த பகுதிகளுக்கு உதவிகள் தேவை என கணக்கிட்டவண்ணம் இருந்தார்கள்,அவர்களின் ஆலோசனை படி மங்கலப்பேட்டை அருகில் உள்ள சமத்துவபுரத்திற்கும் மற்ற சுற்றுபகுதிக்கும் சேர்ந்து சுமார் 15 குடும்பங்களுக்கு  உணவுப்பொருட்கள் கொடுக்கப்பட்டது.தொடர்ந்து நெய்வேலி பயணித்து வாகனம் செல்லும் வழியில் அங்கங்கே மக்கள் தங்களின் கரங்களை நீட்டி எங்க பகுதிக்கு நிவாரண பொருட்கள் வேண்டு என நிவாரண வாகனங்களை கேட்ட வண்ணம் இருந்தார்கள்.

மாவட்ட (ஆட்சியர்) போல செயல்படும் மமக,தமுமுக செயலாளர்கள்
***********************************************************************************************
நெய்வேலியில் தமுமுக,மமக சார்பில் நிவாரண  பணிகள் மாவட்ட செயலாளர்கள் மதார்ஷா (மமக),ஜபார் அலி (தமுமுக),சாதிக் பாய் (நகர செயலாளர்) ஆகியோர் தலைமையில் மஸ்ஜிதே ரஹ்மத் பள்ளியை மைய இடமாக வைத்து சிறப்பாக செயல்படுவதை அறிந்து மெய்சிலித்து போனோம்.பல கிராம நிர்வாக அலுவலர்கள்,பல கட்சியினை சார்ந்த உள்ளாட்சி பிரதிநிதிகள்,பல கிராம பஞ்சாயத்து மற்றும் கிராம தலைவர்கள் மஸ்ஜிதே ரஹ்மத் பள்ளிக்கு வருகை தந்து மாவட்ட நிர்வாகிகளிடம் எங்கள் பகுதிக்கு நிவாரண உதவிகள் வேண்டும் என்று கோரிக்கை வைக்கப்படுகிறது.அவற்றை மாவட்ட நிர்வாகிகள் இரண்டு சகோதரர்களை அனுப்பி பார்வையிடுகின்றார்கள்.பின்னர் தகுதியான பகுதிக்கு தேவையான நிவாரணப்பொருட்கள் எடுத்து சென்று வினியோகம் செய்யப்படுகின்றது.அவ்வாறு விசாரிக்கப்பட்ட பகுதிகளின் ஒன்றான சேத்தியதோப்பு பகுதியில் உள்ள மதுவானைமேடு என்ற கிராமத்திற்கு சென்றோம்.அங்கு சுமார் 150 குடும்பங்களுக்கு நிவாரண பொருட்களை வழங்கினோம்.பின்னர் அருகில் இருந்த பல ஆதி திராவிடர் கிராமங்களுக்கு சென்று நிவாரண பொருட்களை வழங்கினோம்.சென்ற இடங்களில் சில பகுதிகளில் மக்கள் கூட்டம் அதிகமாக இருந்ததால் காவல்துறை பாதுகாப்புடன் நிவாரணப்பொருட்கள் வழங்கப்பட்டது.

மக்களுக்கு சேவை செய்ய பலர் முயற்சிகள் செய்து தங்களின் பணிகளை விட்டு களத்திற்கு வருகின்றார்கள்.ஆனால் பாதிக்கப்பட்ட மக்கள் அன்பு கூர்ந்து பொறுமையுடன் உங்கள் உதவிகளை பெற்று கொள்ளுங்கள்.

அண்டை வீட்டார் பசித்திருக்க தன் மட்டும் வயிறார உணவு உண்பவன் உண்மை முஸ்லிம் அல்ல என்று போதித்த இஸ்லாமிய சமுதாயத்தின் பேரியக்கம் தமுமுக,மமக தங்களால் இயன்ற நிவாரண உதவிகளை செய்து வருகின்றது.அல்லாஹ் நம் அனைவருக்கும் அருள்புரியட்டும்.

எல்லா புகழும் அல்லாஹ்கே.

வழங்கப்பட்ட பொருட்கள்
1.அரிசி
2.து.பருப்பு
3.ரவா
4.சீனி
5.தீப்பெட்டி
6,மெழுகுவர்த்தி
7.கடுகு
8,S.F.ஆயில்
9.டீ தூள்
10.பால் பவுடர்
11. ஹார்லிக்ஸ்
12.குழம்பு தூள்
13.மிளகாய் தூள்
14.பிஸ்கட்
15.ரஸ்க்
16.துண்டு (டவல்)
17.நைட்டி
18.சர்ட்
19.புடவை
20.பேன்ட்
21.மாத்திரைகள்
22.தைலம் 
23.சேற்று புண்ணிற்கு மருந்து
24.பேஸ்ட்
25.ஃபிரஸ்
26.தேங்காய் எண்ணெய்
27.சிறுமி,சிறார்களுக்கான உடைகள்
28.கொசுவர்த்தி
மேலும் பல பொருட்கள் கொடுக்கப்பட்டது.

(இது மட்டுமில்லாது மதுக்கூர் பொதுமக்களிடம் வசூல் செய்யப்பட்ட பயன்படுத்தப்பட்ட நல்ல நிலையில் உள்ள உடைகள்)
குறிப்பு : இன்றும் தஞ்சாவூர் (தெற்கு மாவட்டம் ) சார்பாக பேராவூரணி,ஆவணம் பகுதிகளிலிந்து கொடுக்கப்பட்டது.

மதுக்கூர் பேரூர் கழகம் சார்பாக மதுக்கூரிலிருந்து இரண்டாம் கட்ட நிவாரண் பொருட்களுடன் விரைவில் செல்ல இருக்கின்றோம்.உதவி செய்ய எண்ணம் உள்ள சகோதரர்கள் தொடர்பு கொள்ளவும்.
A.ஃபவாஸ் 97158 58328
A.Er.முகம்மது இலியாஸ் 97891 55480
M.கபார்  9865851693

அமீரகத்தில் தமிழகத்திற்குபெருமை சேர்த்து தந்த அதிரை இலியாஸ் !

எதிர்வரும் அமீரகத்தின் 43வது தேசிய தின கொண்டாட்டங்களில் ஒன்றாக அதிரை சகோதரர் ஒருவர் நேர்மைக்காக பாராட்டப்பட்டுள்ளது அமீரக வரலாற்றில் ஒன்றாகிபோனது.

நமதூரை சேர்ந்த மர்ஹூம் சாகுல் ஹமீது அவர்களின் மகனும் ஜாகிர் ஹீசைன், அப்துல் காதர் ஆகியோரின் சகோதரருமான இலியாஸ் அவர்களின் நேர்மையான ஓரு செயல் நாங்களும் அதிராம்பட்டிணம் தான் என நம்மையும் உளம்மகிழ செய்துள்ளது.

அப்படி என்ன செய்தார்!!!!!

மிகச்சில இடங்களில் சில்லறைகளுக்காக கொலை வரை செல்லும் ஒரு தேசத்திலிருந்து வந்துள்ள நமக்கு, காசு பணத்தை சம்பாதிப்பதை மட்டும் இலட்சியமாக கொண்டு கடல் கடந்து வந்துள்ள நமக்கு திடீரென ஒர் பணப்பை கிடைத்தால் இயற்கையாய் என்ன செய்வோம், குறைந்தபட்சம் மனதளவிலாவது சலனப்படுவோம் ஆனால் சகோதரர் இலியாஸ் அவர்களுக்கு அப்படி ஒரு நிலை ஏற்பட்ட பொழுது தான் அல்லாஹ்வுக்கு பயந்தவன் என்பதை செயலில் நிரூபித்தார்.

கடந்த 2014 ஆகஸ்ட் மாதம் 24ம் தேதி துபை கிளாக் டவர் அருகேயுள்ள EMIRATES NBD பேங்க் வெளிப்புறத்தில் ஒரு பையை கண்டெடுக்கின்றார், உள்ளே திறந்து பார்த்தால் 1000 திர்ஹம் நோட்டு கட்டுக்களாக 50,000 திர்ஹம் அனாதையாக கிடக்கின்றது. (சுமார் 7 ½ லட்சம் இந்திய ரூபாய்) பையுடன் பணத்தை கண்டெடுத்தவரின் கால்கள் உடன் முரக்கபாத் போலீஸ் ஸ்டேசனை நோக்கி விரைந்தது, அங்கே போலீஸாரிடம் பணத்தை ஒப்படைத்த பின்பே நிம்மதியை உணர்ந்துள்ளார்.

2014 நவம்பர் 25 ஆம் தேதி திடீரென முரக்கபாத் போலீஸ் ஸ்டேசனிலிருந்து அழைப்பு வர முரக்கபாத் போலீஸ் ஸ்டேசன் சென்றவருக்கு 43 வது தேசிய தின கொண்டாட்ட நிகழ்வில் இலியாஸ் அவர்களுக்கு போலீஸ் தலைவர் (முதீர்) அவர்கள் கையால் பாராட்டு சான்றிதழும் மொபைல் போன் ஒன்றையும் பரிசாக வழங்கி கவுரவித்தனர். அன்றைய நிகழ்வில் கவுரவிக்கப்பட்ட ஒரே வெளிநாட்டினர் இவர் ஒருவரே.

இவரது நேர்மையை கொண்டாட இந்தியனாக, தமிழனாக, தஞ்சை தரணியனாக, அதிரை மைந்தனாக ஒவ்வொருவருக்கும் உரிமையிருக்கிறது. இஸ்லாம் கற்பித்த வழியில் பிறருக்கு முன் மாதிரியாய் அமைந்த இந்த அழகிய நிகழ்வை போற்றும் விதமாக நாமும் அவருக்காகவும் அவரது குடும்பத்தினருக்காகவும் ஏகன் அல்லாஹ்விடத்தில் பிரார்த்திப்போமாக!

நன்றி :அதிரை நியூஸ் & அதிரை அமீன்.

அன்பான சகோதரர்களே ! நம் அனைவரின் மீது ஏக நாயன் அல்லாஹ்வின் அன்பும்,கருணையும் என்றும் நிலைத்து நிலவட்டுமா !

"ஈமான் கொண்டோர்களே! உங்களுக்கு முன் இருந்தவர்கள் மீது நோன்பு விதிக்கப்பட்டிருந்தது போல் உங்கள் மீதும்(அது) விதிக்கப்பட்டுள்ளது; (அதன் மூலம்) நீங்கள் தூய்மையுடையோர் ஆகலாம்".

நம்மை நோக்கி சங்கைமிகு ரமலான் வந்து இதோ வந்துவிட்டது.சென்ற ரமலானில் நம்முடன் இருந்த நமது அன்புக்குரியவர்கள் இடம் மாறி சென்று இருக்கின்றார்கள்.இறந்தும் இருக்கின்றார்கள்.ஆனால் நமது செயல்பாட்டில் மாற்றமில்லை.காரணம் நாம் நமது மார்க்கத்தை முழுமையாக இன்னும் கடைபிடிக்கவில்லை...இன்னும் எத்தனை ஆண்டுகள் நம்மை நாமே ஏமாற்றிக்கொள்ளப்போகின்றோம்.ஓர் நாள் கடுமையான வேதனைகள் நிறைந்த கப்ருவை காண இருக்கின்றோம்...நிரந்தரமானவாழ்க்கையினை உடைய மறுமையை நேசிக்க இருக்கின்றோம்.அர்ஷில் அல்லாஹ்வை காண இருக்கின்றோம் (இன்ஷா அல்லாஹ்) இவை எல்லாம் உண்மை என்ற நம்பிக்கையுடன் இருக்கும் நாம் அல்லாஹ்வும் அவனது திருத்தூதர் நபிகள் நாயகம் (ஸல்) அலைஹி வஸ்ஸலாம் அவர்கள் காட்டிதந்த போதனைகளை பின்பற்ற மறந்துவிட்டோம்.

இந்த தவறு இந்த ஷாபானுடன் போகட்டும்.வருகின்ற ரமலான் நம்மை உண்மையான முஸ்லிமாக பக்குவப்படுத்த வேண்டும் இதற்காக அனைத்து முயற்சிகளையும் நாம் மேற்கொள்ளவேண்டும்.நிச்சயமாக நமது நல்ல முயற்சி ஒவ்வொன்றுக்கும் அல்லாஹ் நம்முடன் துணைநிற்பான்.புறம் பேசுவதை புறந்தள்ளிவிடுவோம்.அவதூறுகளை அறவே இல்லாமல் ஆக்குவோம்.வீண் பேச்சுக்களை தவீர்ப்போம்.வம்பு சண்டைகளை விரட்டுவோம்.பொய் பேசுவதை முற்றிலுமாக ஒழிப்போம்.இறையச்சம் உடைய இறை விசுவாசியாக மாறுவோம்..இறையச்சமுடைய நல்ல அடியானாக மரணிப்போம்.இன்ஷா அல்லாஹ்..

(இதுநாள் வரை எங்களின் பதிவுகளில் யாரையும் மனம் வேதனையடையும்படி பேசியதாக,எழுதியதாக கருதி இருந்தால் அன்பு கூர்ந்த சகோதரர்களை மனப்பூர்வமாக எங்களின் வருத்தங்களை தெரிவித்துக்கொள்கின்றோம்.)

ரமளான் மாதம் எத்தகையதென்றால் அதில் தான் மனிதர்களுக்கு (முழுமையான வழிகாட்டியாகவும், தெளிவான சான்றுகளைக் கொண்டதாகவும் (நன்மை - தீமைகளைப்) பிரித்தறிவிப்பதுமான அல் குர்ஆன் இறக்கியருளப் பெற்றது.

மஸ்கட்டிற்கு சென்ற மகனை மீட்க தாய் மனு

தஞ்சாவூர் மாவட்டம் பட்டுக்கோட்டை வட்டம் துவரங்குறிச்சி ஊராட்சி வடபாதி கள்ளிக்காடு கிராமத்தை சார்ந்த வீராச்சாமி,சந்திரா தம்பதியரின் வசித்து வருகின்றார்கள்.நேற்றைய முன் தினம் மதுக்கூர் தமுமுக அலுவலகத்திற்கு வந்த சந்திரா தனது மகன் மஸ்கட் சென்று 12 ஆண்டுகள் ஆகிவிட்டது.இதுவரை எந்த தகவலும் இல்லை இதன் காரணமாக எனது கணவர் மனநிலைப்பாதிக்கப்பட்டுள்ளார்.ஒரு வேலை சாப்பாட்டிற்கு கூட மிகவும் கஷ்டப்படுகின்றோம் என கண்ணீர் நிறைந்த கண்களுடன் கூறினார்.மதுக்கூர் தமுமுக நிர்வாகிகள் இது குறித்து ஆலோசனை செய்து நேற்று 27/01/2014 சகோதரி சந்திரா அவர்களை தஞ்சாவூர் மாவட்ட ஆட்சியர் அவர்களிடம் அழைத்து சென்று மகனை மீட்ககோரி மனு கொடுக்கப்பட்டது.மேலும் மாவட்ட காவல்துறை கண்காணிப்பாளரிடமும் கோரிக்கை மனுசந்திரா சார்பாக கொடுக்க ஏற்பாடு செய்யப்பட்டது. மனுவில் சந்திரா கூறியிருப்பது எனது மகன் முத்துக்குமார் கடந்த 2002 ஆம் ஆண்டு மஸ்கட் நாட்டிற்கு வேலைக்கு சென்றார்.பின்னர் இரண்டு முறை தபாலில் தொடர்பு கொண்டார்.எனது மகன் கடைசியாக கடந்த 07/05/2002 தேதி வந்தது.அதன் பின்னர் இன்றுவரை எனது மகனை பற்றி எந்தவித தகவலும் இல்லை.எனது மகனை இந்திய தூதரகம் மூலமாக மீட்டுத்தாருங்கள் என கூறியிருந்தார்.

மனுக்களை கொடுத்துவிட்டு சந்திரா வெளியில் வரும் போது நான் எல்லோரிடமும் எனது மகனை மீட்க நடவடிக்கை எடுக்கச்சொல்லினேன்.யாரும் காது கொடுத்து கேட்கவில்லை இந்த முஸ்லிம் பாய்கள் இன்று முதற்கட்டகளை கலெக்டர் ஐயாவிடம் மனு கொடுக்க செய்து இருக்கின்றார்கள்.என பத்திரிக்கையாளர்கள் முன்னால் கண்ணீர் விட்டு அழுதுவிட்டார்.அவருடன் மதுக்கூர் நகர தமுமுக தலைவர் சகோதரர் ஜபருல்லா,மனிதநேய மக்கள் கட்சியின் முன்னாள் செயலாளர் KTM நிஷார் அகமது,நஸாருதீன் ஆகியோர் உடன் இருந்தனர்.

அன்பான மஸ்கட் வாழ் தமிழ் முஸ்லிம் சகோதரர்களே! முடிந்தால் நீங்களும் முயற்சி செய்யுங்கள் சந்திரா என்ற தாயின் மகனை மீட்க.
பெயர் :MUTHU KUMARAN/VEERASAMY

PASSPORT NO :A3949059

அன்பான சகோதரர்களே ! அஸ்ஸலாமு அலைக்கும் வரஹ்

நேற்று 10/01/2013 முகநூல் வாயிலாக ஒரு சகோதரர் பகிர்ந்து கொண்ட புகைப்படத்துடன் கூடிய செய்தி.பைக்கில் சென்ற இரு வாலிபர்கள் லாரியில் அடிப்பட்டு சம்பவ இடத்திலேயே இறந்துவிட்டார்கள் என இருந்தது.அருமையான சகோதரர்களே எங்கு சென்றாலும் குறிப்பாக இரு சக்கர வாகனங்களில் செல்பவர்கள் அதிவேகமாக செல்கின்றார்கள்.அன்பு கூர்ந்து அவைகளை தவீர்த்துவிடுங்கள்.உங்களை நம்பி உங்களின் பெற்றோர்.உங்களை நம்பி உங்களின் மனைவி,உங்களை நம்பி உங்களின் குழந்தைகள்,இப்படி உங்களை நம்பி உங்களை நம்பி என கூறிக்கொண்டே செல்லலாம்.(அல்லாஹ் நம் அனைவரையும் காப்பாற்றுவான்)

எனவே வாகனத்தில் செல்லும்போது பொறுமையாக,நிதானமாக,முன்,பின் பார்த்து,வலது,இடது புறங்களை பார்த்து சாலை விதிகளை பின்பற்றி செல்லுங்கள்.இது போன்ற விபத்துங்களிலிருந்து அல்லாஹ் எல்லாரையும் காப்பாற்ற துவா செய்வோம்.

அல்லாஹ்வின் திருத்தூதர் நபிகள் நாயகம் (ஸல்) அவர்கள் கூறினார்கள் ஒட்டகத்தை கட்டி வைத்துவிட்டு அல்லாஹ்விடம் பாதுகாப்பு தேட சொன்னார்கள் என்பதை கவனத்தில் கொண்டு செயல்படுவோம்.(இன்ஷா அல்லாஹ்)

பட்டுக்கோட்டை தஞ்சாவூர் புதிய ரயில்பாதை திட்டம்.மனிதநேய மக்கள் கட்சி நன்றி.

ரயில்வே நிலைக்குழுத்தலைவர் சகோதரர் டி.ஆர்.பாலு அவர்களின் தொடர் முயற்சி காரணமாக மன்னார்குடி,பட்டுக்கோட்டை மதுக்கூர் வழி ரயில்பாதை திட்டத்திற்கு நிதி ஒதுக்கப்பட்டது நாம் அனைவரும் அறிந்த விஷயம்.

பட்டுக்கோட்டை தஞ்சாவூர் ரயில்வே திட்டம் வேண்டும் என்ற கோரிக்கை தமிழ்நாடு முஸ்லிம் முன்னேற்றக்கழகம் மற்றும் பட்டுக்கோட்டை பகுதி வாழ் அனைத்து தரப்பு மக்களின் நீண்ட நாள் கோரிக்கையாக இருந்து வந்தது.

சகோதரர் டி.ஆர்.பாலு அவர்களின் பெரும் முயற்சியின் காரணமாக பட்டுக்கோட்டை  தஞ்சாவூர் (ஒரத்தநாடு வழி) இரயில்பாதை திட்டத்திற்க்கு மத்திய ரயில்வே அமைச்சர் திரு பவன்குமார் அவர்கள் ரூ 300 கோடி நிதி ஒதுக்கி உள்ளதாக தெரிவின்றது.

இத்திட்டத்தின் மூலமாக இப்பகுதியின் விவாசாயிகள்,மாணவர்கள்,அலுவலகம் செல்பவர்கள்,பொதுமக்கள்,என பலரும் பயன் பெறுவார்கள்.

இதன்படி பட்டுக்கோட்டை தஞ்சாவூருக்கு 47 கி.மீ தூரம் ரயில் பாதை அமைக்கப்படும்.

இத்திட்டத்தின் கொண்டுவர தொடர் முயற்சி எடுத்த இரயில்வே நிலைக்குழுத்தலைவர் திரு டி.ஆர்.பாலு அவர்களுக்கு மனிதநேய மக்கள் கட்சி,மற்றும் தமிழ்நாடு முஸ்லிம் முன்னேற்றக்கழகம் (தஞ்சாவூர் மாவட்டம் (தெற்கு)சார்பாக நெஞ்சம் நிறைந்த நன்றியின தெரிவித்துக்கொள்கின்றோம்.

பட்டுக்கோட்டையில் நடைபெற்ற கண்டன ஆர்பாட்டம்.

கூடங்குளத்தில் நடைப்பெற்ற போலீஸ் அத்துமீறலைக்கண்டித்து 11/09/2012 அன்று மாலை தஞ்சை தெற்கு மாவட்ட மனிதநேய மக்கள் கட்சி சார்பாக பட்டுக்கோட்டையில் நடைபெற்ற கண்டன ஆர்பாட்டம்.
 

பாஸ்போர்ட் சேவை மையத்தில் ஹஜ் பயணிகளுக்காக மார்ச் 24-ல் சிறப்பு முகாம்

தஞ்சாவூர் பாஸ்போர்ட் சேவை மையத்தில் (பி.எஸ்.கே.) ஹஜ் பயணிகள் பாஸ்போர்ட் பெறும் வகையிலான ஹஜ் மேளா என்ற சிறப்பு முகாம் வருகிற 24-ம் தேதி நடைபெறவுள்ளது.

இதுகுறித்து திருச்சி மண்டல பாஸ்போர்ட் அலுவலர் கே. பாலமுருகன் தெரிவித்திருப்பது:

ஹஜ் யாத்திரை செல்லும் பாஸ்போர்ட் இல்லாத யாத்ரீகர்கள் பாஸ்போர்ட் பெற வசதி ஏற்படுத்தி தரும் வகையில், தஞ்சாவூர் மருத்துவக் கல்லூரி சாலையில் உள்ள பாஸ்போர்ட் சேவை மையத்தில் ஹஜ் மேளா மார்ச் 24-ம் தேதி நடத்தப்படவுள்ளது. இந்த மேளா அன்று காலை 9.30 மணிக்கு தொடங்கவுள்ளது.இந்த மேளாவில் பங்கேற்கவுள்ள யாத்ரீகர்கள் இணையவழி மூலம் விண்ணப்பம் செய்து, விண்ணப்பப் பதிவு எண் நகலுடன் வர வேண்டும். மேலும், பாஸ்போர்ட்டுக்குத் தேவையான நகல், அசல் ஆவணங்களுடனும் வர வேண்டும். பாஸ்போர்ட் பெறுவதற்கான விண்ணப்பக் கட்டணம் ரூ. 1,000. முன்பதிவு தேவையில்லை என்றார் அவர்.

தஞ்சை மாவட்ட செய்திகள்