டிசம்பர் 6 போராட்டக்களங்களில் மதுக்கூர் தமுமுக

இந்தியாவின் இறையாண்மைக்கு சவால்விட்டு சங்பரிவார் கும்பல் கி.பி.1528 ஆம் ஆண்டு கட்டப்பட்ட பாபரி மஸ்ஜித்தை இடித்தார்கள்.இந்தியாவில் ஒற்றுமையை குலைத்தார்கள்.மதசார்பின்மை பேசிய நமக்கு வரலாற்றில் கருப்பு தினமாக டிசம்பர் 6 பொறிக்கப்பட்டது.

தமுமுக தொடங்கப்பட்ட வருடமான 1995 ஆம் ஆண்டு மாநிலம் முழுவதும் கடை அடைப்பு போராட்டம் நடைபெற்றது.மதுக்கூரிலும் அதற்கான போஸ்டர் ஒட்டினோம்.ஆனால் யாரும் கடையடைப்பு செய்யவில்லை என்பது வருத்தமான தருணம். காலம் சென்ற நமதூர் ஜமாத் தலைவர் சகோதரர் ஜலீல் மரைக்காயர் அவர்கள்.தம்பி எது எல்லாம் மதுக்கூருக்கு வேண்டாம் என கூறி பள்ளிவாசலில் தயவு செய்து இது குறித்து நோட்டிஸ் வினியோகம் செய்யவேண்டாம் என கேட்டுக்கொண்டார்.அதன்படி நடந்து கொண்டோம்.

1996 கவர்னர் மாளிகை முற்றுகை என தலைமை அறிவிப்பு செய்தது.இன்று போல் அன்று சென்னை செல்வதற்கு சொகுசு பஸ்கள் குறைவு எனவே அரசு போக்குவரத்து கழக பேருந்தில் சென்னையில் நடைபெறும் போராட்டத்தில் கலந்து கொள்ள முன்பதிவு செய்து இருந்தோம்.காவல்துறையினர் மன்னார்குடியில் எங்களை தடுத்து நிறுத்தி மதுக்கூருக்கு திருப்பி அனுப்பினார்கள்

இப்படியாக 1997,1998 தடையை மீறிய பேரணி,முற்றுமை போராட்டங்கள்.முதன் முறையாக 1999 அனுமதியுடன் ஐந்து மண்டலங்களில் ஆர்ப்பாட்டம் நடைபெற்றது.நமது டெல்டா மாவட்டம் சார்பாக மயிலாடுதுறையில் தலைமை தகவல் தொடர்பு அலுவலகம் அருகில் ஆர்ப்பாட்டம் மாநில தலைவர் ரிபாய்,பேராசிரியர் ஹாஜா கனி,அன்றைய பொருளாளர் விஞ்ஞானி அப்துல் ஜலீல் ஆகியோர் தலைமையில் நடைபெற்றது.மதுக்கூரிலிருந்து சுமார் 50 க்கு மேற்பட்டவர்கள் இரண்டு வேன்களில் இந்த ஆர்ப்பாட்டதில் கலந்து கொண்டோம்.

2000 ஆம் வருடம் தஞ்சாவூரில் நடைபெற்ற பேரணி மற்றும் ஆர்ப்பாட்டதில் மதுக்கூரிலிருந்து பெரும்திரளாக பங்குகொண்டோம்.அண்ணன் மறைந்த தமுமுக போராளி ஜமால் முகம்மது அவர்கள் மதுக்கூர் பெரியப்பள்ளிவாசலில் வைத்து நல்லபல அறிவுரைகளை வழங்கி எங்களை போராட்ட களத்திற்கு அனுப்பி வைத்தார்கள்.

1999முதல் இன்று வரை தமுமுக சார்பாக அறிவிக்கப்படும் டிசம்பர் 6 போராட்டங்களங்களில் மதுக்கூர் தமுமுக ஏற்பாட்டின் படி குறைந்தபட்சம் இரண்டு வேன்களில் மக்களை திரட்டி போராட்டங்களங்களில் பங்கொடுத்து வருகின்றோம்.

டிசம்பர் 6 தமுமுக அறிவிக்கும் வீரியமிக்க போராட்ட களங்களுக்கு மதுக்கூரிலிருந்து மக்களை திரட்டி அழைத்து செல்வதில் 2001 ஆண்டு முதல் தமுமுக நகர தலைவராக சிறப்பாக செயலாற்றிய அண்ணன் நாராண்டி ஜெகபர் அலி அவர்கள் இந்த நேரத்தில் நினைக்க தக்கவர்.

ஜனநாயக வழியில் இந்த சமுதாயம் எப்படி போராடவேண்டும் என கற்று கொடுத்த சமுதாய பேரியக்கம் தமுமுக வின் போராட்டங்களை விமர்சனம் செய்தவர்கள் எல்லாம் அதே ஜனநாயக வழி போராட்டங்களை கையில் எடுத்து இருப்பது காலத்தின் கட்டாயம்.அல்ஹம்துலில்லாஹ்.

தாய்கழகம் உங்களை அன்போடு அழைக்கின்றது.டிசம்பர் 6 போராட்டக்களத்திற்கு.கருஞ்சட்டை அணிந்து கம்பீரமாக அனைவரையும் அழைக்கின்றது.

தமிழ்நாடு முஸ்லிம் முன்னேற்றக்கழகம்
மதுக்கூர் நகரம்

மதுக்கூரில் சாலை மறியல்

காவிரியின் குறுக்கே கர்நாடக அரசு 4 புதிய அணைகள் கட்டுவதற்கு எதிர்ப்பு தெரிவித்து இன்று டெல்டா மாவட்டம் முழுவதும் சாலை மற்றும் இரயில் மறியல் போராட்டம் நடைபெற்று வருகின்றது.மதுக்கூர் பேரூந்து நிலையத்தில் திமுக ஒன்றிய செயலாளர் ஆர்.இளங்கோ அவர்கள் தலைமையில் அனைத்துக்கட்சியினர் சாலை மறியல் போராட்டத்தில் ஈடுபட்டனர்.சாலை மறியல் போராட்டத்தால் மதுக்கூரில் சுமார் 1/2 மணி நேரம் போக்குவரத்து பாதிக்கப்பட்டது.இந்த சாலை மறியல் போராட்டத்தில் பேரூராட்சி தலைவர் NSM பசீர் அகமது,மாவட்ட திமுக பிரதிநிதி SNS ஹாஜா முகைதீன்,மனிதநேய மக்கள் கட்சி முன்னாள் செயலாளர் M.முஜிபுர் ரஹ்மான்,கவுன்சிலர்கள் M.கபார் (மமக),மணிவேல்(திமுக)NPM ரியாஸ் அகமது (திமுக) மற்றும் அனைத்து கட்சியினர் கலந்து கொண்டார்கள்.பின்னர் அனைவரும் கைது செய்யப்பட்டார்கள்.

மதுக்கூரில் தெருமுனைப்பிரச்சாரம்

தஞ்சாவூர் மாவட்டம் மதுக்கூர் நகர தமிழ்நாடு முஸ்லிம் முன்னேற்றக்கழகம் சார்பாக டிசம்பர் 6 கருஞ்சட்டை அணிந்து ஆர்ப்பாட்டம் ஏன் ? என்ற விளக்க தெருமுனைக்கூட்டம் இன்று 03/12/2014 புதன் கிழமை மாலை 4:45 மணிக்கு மதுக்கூர் முக்கூட்டுச்சாலையில் நகர தலைவர் சகோதரர் ஜபருல்லா அவர்கள் தலைமையிலும்,சகோதரர் பவாஸ்கான்,கவுன்சிலர் கபார் ஆகியோர் முன்னிலையிலும் நடைபெற்றது.இப்பிரச்சாரத்தில் தமுமுக தலைமை கழக பேச்சாளர் சகோதரர் பழனி பாரூக் அவர்கள் பாபரி மஸ்ஜித் வரலாற்றினை எடுத்துரைத்தார்.முக்கூட்டுச்சாலையினை தொடர்ந்து மதுக்கூர் பேரூந்து நிலையத்தில் மாலை 6:45 மணிக்கு தெருமுனைப்பிரச்சாரம் நடைபெற்றது.இப்பிரச்சார கூட்டத்தில் ஏராளமானவர்கள் கலந்து கொண்டார்கள்.

மதுக்கூரில் இதுவரை செயல்பாட்டில் இருந்து வந்த கபருஸ்தானின் மண்ணின் தன்மை மாறிவிட்டதால் புதிய கபருஸ்தான் அமீரக வாழ் மதுக்கூர் இஸ்லாமிய சகோதரர்களால் மதுக்கூர் வடுககுத்தகை ஏரி அருகாமையில் இடம் வாங்கப்பட்டுள்ளது.இருந்தும் அது இன்னும் செயல்பாட்டிற்கு வராதகாரணத்தினால் பழைய கபருஸ்தான் அருகாமையில் உள்ள (சந்தைப்பேட்டை குப்பைகள் கொட்டும்) இடம் ஜமாத்தார்களால் சுத்தம் செய்யப்பட்டு நேற்று முதல் தற்காலிக கபருஸ்தானாக பயன்படுத்தப்பட்டது.

அமீரகத்தில் தமிழகத்திற்குபெருமை சேர்த்து தந்த அதிரை இலியாஸ் !

எதிர்வரும் அமீரகத்தின் 43வது தேசிய தின கொண்டாட்டங்களில் ஒன்றாக அதிரை சகோதரர் ஒருவர் நேர்மைக்காக பாராட்டப்பட்டுள்ளது அமீரக வரலாற்றில் ஒன்றாகிபோனது.

நமதூரை சேர்ந்த மர்ஹூம் சாகுல் ஹமீது அவர்களின் மகனும் ஜாகிர் ஹீசைன், அப்துல் காதர் ஆகியோரின் சகோதரருமான இலியாஸ் அவர்களின் நேர்மையான ஓரு செயல் நாங்களும் அதிராம்பட்டிணம் தான் என நம்மையும் உளம்மகிழ செய்துள்ளது.

அப்படி என்ன செய்தார்!!!!!

மிகச்சில இடங்களில் சில்லறைகளுக்காக கொலை வரை செல்லும் ஒரு தேசத்திலிருந்து வந்துள்ள நமக்கு, காசு பணத்தை சம்பாதிப்பதை மட்டும் இலட்சியமாக கொண்டு கடல் கடந்து வந்துள்ள நமக்கு திடீரென ஒர் பணப்பை கிடைத்தால் இயற்கையாய் என்ன செய்வோம், குறைந்தபட்சம் மனதளவிலாவது சலனப்படுவோம் ஆனால் சகோதரர் இலியாஸ் அவர்களுக்கு அப்படி ஒரு நிலை ஏற்பட்ட பொழுது தான் அல்லாஹ்வுக்கு பயந்தவன் என்பதை செயலில் நிரூபித்தார்.

கடந்த 2014 ஆகஸ்ட் மாதம் 24ம் தேதி துபை கிளாக் டவர் அருகேயுள்ள EMIRATES NBD பேங்க் வெளிப்புறத்தில் ஒரு பையை கண்டெடுக்கின்றார், உள்ளே திறந்து பார்த்தால் 1000 திர்ஹம் நோட்டு கட்டுக்களாக 50,000 திர்ஹம் அனாதையாக கிடக்கின்றது. (சுமார் 7 ½ லட்சம் இந்திய ரூபாய்) பையுடன் பணத்தை கண்டெடுத்தவரின் கால்கள் உடன் முரக்கபாத் போலீஸ் ஸ்டேசனை நோக்கி விரைந்தது, அங்கே போலீஸாரிடம் பணத்தை ஒப்படைத்த பின்பே நிம்மதியை உணர்ந்துள்ளார்.

2014 நவம்பர் 25 ஆம் தேதி திடீரென முரக்கபாத் போலீஸ் ஸ்டேசனிலிருந்து அழைப்பு வர முரக்கபாத் போலீஸ் ஸ்டேசன் சென்றவருக்கு 43 வது தேசிய தின கொண்டாட்ட நிகழ்வில் இலியாஸ் அவர்களுக்கு போலீஸ் தலைவர் (முதீர்) அவர்கள் கையால் பாராட்டு சான்றிதழும் மொபைல் போன் ஒன்றையும் பரிசாக வழங்கி கவுரவித்தனர். அன்றைய நிகழ்வில் கவுரவிக்கப்பட்ட ஒரே வெளிநாட்டினர் இவர் ஒருவரே.

இவரது நேர்மையை கொண்டாட இந்தியனாக, தமிழனாக, தஞ்சை தரணியனாக, அதிரை மைந்தனாக ஒவ்வொருவருக்கும் உரிமையிருக்கிறது. இஸ்லாம் கற்பித்த வழியில் பிறருக்கு முன் மாதிரியாய் அமைந்த இந்த அழகிய நிகழ்வை போற்றும் விதமாக நாமும் அவருக்காகவும் அவரது குடும்பத்தினருக்காகவும் ஏகன் அல்லாஹ்விடத்தில் பிரார்த்திப்போமாக!

நன்றி :அதிரை நியூஸ் & அதிரை அமீன்.

மரண அறிவிப்பு
அமைதி பெற்ற ஆன்மாவே ! நீ உன் இரட்சகனிடம் திருப்தியடைந்த நிலையிலும்,திருப்தி கொள்ளப்பட்டதாகவும் செல்வாயாக !
எனது அடியார்களுடன் இணைந்து கொள்.எனது சுவர்க்கத்தில் நுழைந்து கொள் ( என அந்நாளில் கூறப்படும்)
( அல்குர் ஆன் :89:27-30)

மதுக்கூர் முகம்மதியர் தெரு மர்ஹும் சின்ன பூண்டியார் ஹபீப் முகம்மது அவர்களின் மகனும்,சேக்பரீது அவர்களின் தந்தையுமான மீன்கடை முகம்மது ஹனிபா அவர்கள் இன்று 21/11/2014 வெள்ளிக்கிழமை வஃபாத்தாகிவிட்டார்கள்.

இன்னா லில்லாஹி வ இன்னா இலைஹி ராஜிவூன்

அன்னாரின் மறுமை வாழ்வு சிறக்க துவா செய்வோம்.

மரணித்தவரைப் பார்க்கச் சென்றால் சொல்ல வேண்டிய பிரார்த்தனை.
‘اللَّهُمَّ اغْفِرْ لأَبِى سَلَمَةَ وَارْفَعْ دَرَجَتَهُ فِى الْمَهْدِيِّينَ وَاخْلُفْهُ فِى عَقِبِهِ فِى الْغَابِرِينَ وَاغْفِرْ لَنَا وَلَهُ يَا رَبَّ الْعَالَمِينَ وَافْسَحْ لَهُ فِى قَبْرِهِ. وَنَوِّرْ لَهُ فِيهِ‘
பிரார்த்தனையின் கருத்து:- ‘
இறைவா! ………… மன்னிப்பாயாக! நேர்வழி பெற்றவர்களுடன் சேர்த்து இவரது தகுதியை உயர்த்துவாயாக! இவர் விட்டுச் சென்றவர்களுக்கு நீ பொருப்பாளனாவாயாக! அகிலத்தின் அதிபதியே! இவரையும், எங்களையும் மன்னிப்பாயாக! இவரது மண்ணறையை விசாலமாக்குவாயாக! அதில் இவருக்கு ஒழியை ஏற்படுத்துவாயாக!’ (ஆதாரம்: முஸ்லிம் 2169)

மதுக்கூரில் புதிய (வக்த்) பள்ளிவாசல்

மதுக்கூர் இந்திரா நகரில் இதுவரை சிறப்புடன் இயங்கி வந்த தர்பியத்துல் பனாத் குர் ஆன் மதரஸா ஒரு சில சகோதரர்களின் தொடர் முயற்சியல் இன்று 15/11/2014 சனிக்கிழமை அஸர் தொழுகையிலிருந்து வக்த் பள்ளிவாசலாக செயல்பட மாற்றப்பட்டு உள்ளது.இனிவரும் நாட்களில் தொடர்ந்து 5 வேலை தொழுகையும் மற்றும் மாணவ,மாணவியர்களுக்கு குர் ஆர் மதரஸாவாகவும் செயல்படும்.

எல்லா புகழும் அல்லாஹ்கே.

இம்முயற்சியினை முழுமனதுடன் நிறைவேற்றிய சகோதரர்களுக்கு அல்லாஹ் அதற்கான கூலியை பரிபூரணமாக வழங்க துவா செய்கின்றோம்.

தமிழ்நாடு முஸ்லிம் முன்னேற்றக்கழகம் மதுக்கூர் நகர கிளையின் சார்பாக வரும் டிசம்பர் 6 போராட்டக்களத்திற்காக மதுக்கூர் நகரில் சுமார் 20 மேற்பட்ட இடங்களில் மக்கள் விழிப்புணர்வு விளம்பரங்கள் செய்யப்பட்டுள்ளது.அவற்றில் சில புகைப்படங்கள்......சமுதாய சொந்தங்களுக்காக சொந்தங்களுக்காக...

தமிழகத்தில் வடகிழக்கு பருவமழை பெய்து வருகின்றது.கடந்த இரு தினங்களாக மதுக்கூரில் நல்ல மழை பெய்கின்றது.அவ்வபோது கனமழையும் பெய்கின்றது.இதன் காரணமாக ரோடுகளில் தண்ணீர் வெள்ளமென ஓடுகின்றது.சற்று நேரத்திற்கு முன்னர் கூட (மாலை 5:00 மணிக்கு) நல்ல மழை பெய்தது.